Festival of Fame 2016
Daar is 20 produksies wat oor die volgende vyf dae sal speel. Bo aan die lys is die internasionaal bekende musiekblyspel Once On This Island. Die regie word behartig deur Timothy le Roux en Tracey Human. Die storie is losweg gebaseer op Hans Christian Andersen se Den lille havfrue (die klein meermin).
Daar is ook digkuns op die program met Phillippa Yaa de Villiers en Napho Masheane wat die groot stemme is in Weave Up Words.
Tara Notcutt is ook op die fees met After Dark in the Groot-Marico, ’n versameling stories van Herman Charles Bosman.
Nog ’n moet-sien is Jenine Colocutt en Nick Warren se Making Mandela, van hoe ’n jong seun ’n legende geword het.
Die fees bied ook ’n verskeidenheid musiekproduksies, van hip-hop en rock tot jazz en klassieke musiek.
Kaartjies wissel van R60 tot R120 en is beskikbaar by www.joburgtheatre.com of 0860 670 670.